Стати Англияда төрелік шешімді тану туралы өтініш береді.

Жоғары сот төрелік шешімді таниды және алдын ала атқарушылық бұйрық шығарады.

2017 жылғы 6-7 ақпан

Қазақстан Жоғары Сот алдында іс бойынша өз ұстанымын білдіреді, сондай-ақ Стати алған атқарушылық бұйрықтың күшін жою туралы өзінің өтінішіне негіздеме дәлелдемелер ұсынады.

2017 жылғы 6 маусым

Жоғары Соттың судьясы Ноулз, Стати Қазақстанға қатысты алаяқтық жасағандығы және алаяқтық жолымен өз пайдасына төрелік шешім алғандығы туралы жеткілікті дәлелдер "prima facie" бар деп қаулы етті.

2017 жылғы 12 маусым

Стати судья Ноулздың қаулысына шағымдану туралы өтініш береді.

2017 жылғы 27 маусым

Жоғары Сот Статидің судья Ноулз қаулысына шағымдану туралы өтінішін қабылдамай, алаяқтық туралы істі жеке сот тыңдаулары барысында қарауды тапсырады.

2017 жылғы 18 шілде

Стати апелляциялық сотқа Жоғары соттың 2017 жылғы 27 маусымдағы шешіміне шағымдануға рұқсат алу туралы өтінішін береді.

2018 жылғы 9 қаңтар

Апелляциялық сот Статидің судья Ноулз шешіміне шағымдануға рұқсат алу туралы өтінішін қабылдамайды.

2018 жылғы 23 ақпан

Стати Қазақстанға "Азалия" ЖШҚ және Perkwood компаниялар арасындағы келісімшарт енгізілген алғашқы құжаттар пакетін ұсынуға міндеттенді.

2018 жылғы 26 ақпан

Стати Қазақстанға Англиядағы атқарушылық іс жүргізуді тоқтату туралы хабарлама жібереді, осылайша өз талаптарынан бас тартады.

2018 жылғы 26 наурыз

Жоғары сот Статидің Англиядағы Қазақстанға қарсы атқарушылық іс жүргізуді тоқтату туралы хабарламасын қабылдау керектігін анықтау үшін сот отырысын өткізеді.

2018 жылғы 11 мамыр

Судья Ноулз Статидің Англиядағы Қазақстанға қарсы атқарушылық іс жүргізуді тоқтату туралы хабарламасын қабылдамайды.

2018 жылғы 28 мамыр

Қазақстан Ұлттық Банкі (ҚҰБ) және Қазақстан Англияның Жоғары сотына Bank of New York Mellon ("BNYM") банкінің Жаһандық депозитарлық келісімі (GCA) бойынша міндеттемелерінің сипатын анықтау туралы талап арыз береді.

2018 жылғы 6 шілде

Лорд судья Леггатт Статиге судья Ноулздың 2018 жылғы 11 мамырдағы шешіміне шағым беруге рұқсат береді.

2018 жылғы 31 шілде

Апелляциялық сот судья Ноулздың 2018 жылғы 11 мамырдағы қаулысына Статидің апелляциясы бойынша тыңдау өткізеді.

2018 жылғы 10 тамыз

Апелляциялық сот Статидің 2018 жылғы 11 мамырдағы судья Ноулз қаулысына берген апелляциясын қанағаттандырады.

2018 жылғы 22 қараша

Қазақстан Статиге Англияда атқарушылық іс жүргізуді тоқтату ниеті туралы хабарлаған күнге дейінгі кезең үшін, Қазақстанның сот шығындарын өтеу туралы өтінішін береді.

Жоғары сот Статиге Англияда атқарушылық іс жүргізуді тоқтату туралы өтініш бергеннен кейін Қазақстанның 1,3 миллион фунт стерлингі сомасындағы сот шығындарын төлеуді бұйырады.

Жоғары соттың судьясы Тир (Tear) Қазақстан мен ҚҰБ пайдасына шешім шығарады. Аталған шешімге сәйкес, BNYM Республика алдында емес, ҚҰБ алдында міндеттемелерге ие, және осылайша Стати ҚҰБ мен BNYM қарсы төрелік шешімнің орындалуын талап етуге құқылы емес.

Жоғары сот тыңдауды өткізеді, оның барысында судья Тир өзінің 22 сәуірдегі шешімі Қазақстан мен ҚҰБ пайдасына болғанын растайды. Сондай-ақ, сот Статидің апелляция туралы өтінішін қабылдамай және оларға сот шығындарын төлеуді бұйырады.

Апелляциялық сот Статидің 2020 жылғы 4 мамырдағы қаулысына шағымдану туралы өтінішін қабылдамай, осылайша бельгиялық сот өндірісі аясында олардың ҚҰБ активтерінен өндіріп алу бойынша амалдарын тоқтатады. Сот Қазақстанның Бельгия сотының қарауына берілген мәселелерді ғана емес, бүкіл істі қарау туралы талабын да қабылдаған жоқ.